ഓസ്ട്രേലിയയിലെ മലയാളികൾക്കുള്ള CCL തയ്യാറെടുപ്പ്
NAATI CCL Malayalam പരീക്ഷയിൽ ഇംഗ്ലീഷ് കേട്ട് മലയാളത്തിൽ പറയണം, മലയാളം കേട്ട് ഇംഗ്ലീഷിലും. ഇവിടെ അതേ ഫോർമാറ്റിൽ ഓരോ സെഗ്മെന്റും റെക്കോർഡ് ചെയ്ത് പ്രാക്ടീസ് ചെയ്യാം. എവിടെയാണ് വിവരം വീണത് എന്ന് AI ഉടനെ കാണിച്ചുതരും.
ഒരു മുഴുവൻ പ്രാക്ടീസ് ടെസ്റ്റ് സൗജന്യം. ക്രെഡിറ്റ് കാർഡ് ചോദിക്കില്ല.
പരീക്ഷയിൽ ഡയലോഗ് ഇങ്ങനെയാണ്
Before your surgery tomorrow, I need to explain the pre-operative procedures. You must not eat or drink anything after midnight tonight. Please arrive at the hospital by six in the morning.
നാളെ നിങ്ങളുടെ ശസ്ത്രക്രിയയ്ക്ക് മുമ്പ്, ശസ്ത്രക്രിയാ മുൻ നടപടിക്രമങ്ങൾ വിശദീകരിക്കേണ്ടതുണ്ട്. ഇന്ന് രാത്രി അർദ്ധരാത്രിക്ക് ശേഷം നിങ്ങൾ ഒന്നും കഴിക്കുകയോ കുടിക്കുകയോ ചെയ്യരുത്. ദയവായി രാവിലെ ആറു മണിക്ക് ആശുപത്രിയിൽ എത്തുക.
ശസ്ത്രക്രിയയെ കുറിച്ച് എനിക്ക് വളരെ ആശങ്കയുണ്ട്. ഈ നടപടിക്രമം എത്ര സമയം എടുക്കുമെന്നും എനിക്ക് എപ്പോൾ വീട്ടിൽ പോകാൻ കഴിയുമെന്നും നിങ്ങൾക്ക് പറയാൻ കഴിയുമോ? ഞാൻ എല്ലാ രാവിലെയും പ്രമേഹത്തിനുള്ള മരുന്ന് കഴിക്കുന്നുണ്ട്.
I am quite nervous about the surgery. Can you tell me how long the procedure will take and when I will be able to go home? I also take medication for diabetes every morning.
The surgery should take about two hours. Most patients go home the next day. Please bring your diabetes medication with you but don't take it tomorrow morning — the anaesthetist will advise you when to resume.
ശസ്ത്രക്രിയ ഏകദേശം രണ്ട് മണിക്കൂർ എടുക്കും. മിക്ക രോഗികളും അടുത്ത ദിവസം വീട്ടിൽ പോകും. നിങ്ങളുടെ പ്രമേഹ മരുന്ന് കൊണ്ടുവരുക, പക്ഷേ നാളെ രാവിലെ കഴിക്കരുത് — എപ്പോൾ തുടരണമെന്ന് അനസ്തേഷ്യോളജിസ്റ്റ് നിങ്ങളെ അറിയിക്കും.
രണ്ട് ഡയലോഗ് ഉണ്ടാകും, ഓരോന്നും ഏകദേശം 300 വാക്ക്. അവ പരമാവധി 35 വാക്ക് വരെയുള്ള സെഗ്മെന്റുകളായി മുറിച്ചിരിക്കും; ഒരു സെഗ്മെന്റ് കേട്ടു കഴിഞ്ഞാൽ ഉടനെ മറ്റേ ഭാഷയിൽ പറയണം. താഴെ ഒരു ആശുപത്രി സാഹചര്യം.
ഈ മൂന്ന് സെഗ്മെന്റിൽ കൈമാറേണ്ട വിവരങ്ങൾ ഒന്ന് എണ്ണിനോക്കൂ: അർദ്ധരാത്രി, രാവിലെ ആറ്, രണ്ട് മണിക്കൂർ, അടുത്ത ദിവസം. കൂടെ രണ്ട് നിഷേധവും: ഒന്നും കഴിക്കുകയോ കുടിക്കുകയോ ചെയ്യരുത്, നാളെ രാവിലെ മരുന്ന് കഴിക്കരുത്. ഇവയിൽ ഒന്ന് വിട്ടുപോയാലും ഒരു അക്കം മാറിപ്പോയാലും അവിടെ മാർക്ക് കുറയും. വാക്ക് തിരഞ്ഞെടുക്കുന്നിടത്തും ശ്രദ്ധ വേണം: "diabetes" കേൾക്കുമ്പോൾ വായിൽ വരുന്നത് "ഷുഗർ" ആയിരിക്കും, പക്ഷേ പ്രമേഹം എന്ന സാധാരണ മലയാളം വാക്ക് ഉള്ളപ്പോൾ അതാണ് വേണ്ടത്. anaesthetist ആരാണെന്ന് ആരും ചോദിക്കാതെ വിശദീകരിച്ചാൽ അത് കൂട്ടിച്ചേർക്കലാകും.
CCL പാസായാൽ സ്കിൽഡ് മൈഗ്രേഷൻ പോയിന്റ് ടെസ്റ്റിൽ 5 പോയിന്റ് ചേരും; 189, 190, 491 എന്നീ മൂന്ന് സബ്ക്ലാസിനും ഇത് ബാധകമാണ്. പിആർ ലക്ഷ്യമിട്ട് ഇത് എഴുതുന്ന മലയാളികളിൽ പലരും ഐടി, എൻജിനീയറിംഗ്, നഴ്സിംഗ്, അക്കൗണ്ടിംഗ് മേഖലകളിലാണ്: 485-ലോ 482-ലോ സ്റ്റുഡന്റ് വിസയിലോ ഇവിടെ നിൽക്കുന്നു, അല്ലെങ്കിൽ നാട്ടിലിരുന്ന് EOI ഒരുക്കുന്നു. PTE-യോ IELTS-ഓ കഴിഞ്ഞിട്ടുണ്ടാകും. പലർക്കും ബാക്കിയുള്ളത് ഈ അഞ്ചാണ്.
GP-യുടെ മുറിയിലെ ഇംഗ്ലീഷും Centrelink-ന്റെ ഫോൺ കോളും മിക്കവർക്കും തടസ്സമില്ലാതെ മനസ്സിലാകും. ബുദ്ധിമുട്ട് പുറത്തേക്കുള്ള വഴിയിലാണ്: കേട്ട വിവരം മുഴുവനും ചുമന്ന്, സമയത്തിനുള്ളിൽ, ഇംഗ്ലീഷ് കലരാത്ത മലയാളത്തിൽ പുറത്തുവരണം. വീട്ടിലും ഓഫീസിലും നമ്മൾ പറയുന്നത് "appointment fix ചെയ്തോ", "rent transfer ചെയ്തു" എന്ന Manglish ആണ്. ആ ശീലം പരീക്ഷാ മുറിയിൽ അതേപടി വന്നാൽ അവിടെ മാർക്ക് പോകും.
മലയാളത്തിൽ നിന്ന് ഇംഗ്ലീഷിലേക്ക് എളുപ്പമായിരുന്നു, തിരിച്ചാണ് വിയർത്തത് എന്ന നിരീക്ഷണം മലയാളി കാൻഡിഡേറ്റുകളുടെ ഫോറം അനുഭവക്കുറിപ്പുകളിൽ കാണാം. അതുകൊണ്ട് പ്രാക്ടീസിന്റെ മൂന്നിൽ രണ്ട് ഭാഗവും ഇംഗ്ലീഷ് → മലയാളം ദിശയ്ക്ക് കൊടുക്കുക. നന്നായി ഭാഷ അറിയാവുന്നവരാണ് ഏറ്റവും കുറച്ച് തയ്യാറെടുക്കുന്നത്. ഈ പരീക്ഷയിൽ കാണുന്ന ഏറ്റവും ചെലവേറിയ തെറ്റ് അതാണ്.
ഓരോ ഡയലോഗിനും 45 മാർക്ക്, ആകെ 90. പാസാകാൻ 63 വേണം, ഒപ്പം ഓരോ ഡയലോഗിലും കുറഞ്ഞത് 29-ഉം.
ഓരോ ഡയലോഗും 45-ൽ തുടങ്ങുന്നു. വിട്ടുപോയ ഭാഗങ്ങൾ, അനാവശ്യ കൂട്ടിച്ചേർക്കലുകൾ, അർത്ഥവ്യതിയാനങ്ങൾ, നീണ്ട തപ്പിത്തടയലുകൾ എന്നിവയ്ക്കാണ് മാർക്ക് കുറയുന്നത്. ഉച്ചാരണത്തിനോ നാടൻ ചുവയ്ക്കോ ഒന്നും പോകില്ല. കുറ്റമറ്റ വ്യാകരണവും വേണ്ട. അർത്ഥം പൂർണ്ണമായി അപ്പുറത്ത് എത്തണം, അത്രമാത്രം.
രണ്ട് പരിധിയും ഒരുമിച്ച് കടക്കണം എന്നതാണ് പലരും ശ്രദ്ധിക്കാതെ പോകുന്ന ഭാഗം. ആരോഗ്യ ഡയലോഗിൽ 40 കിട്ടിയിട്ടും നിയമ ഡയലോഗിൽ 26-ൽ നിന്നാൽ ആകെ 66 ഉണ്ടെങ്കിലും ഫലം മാറും, കാരണം രണ്ടാമത്തേത് 29-ന് താഴെയാണ്. അതുകൊണ്ട് ഒരു വിഷയത്തിൽ മാത്രം ശക്തി കാണിക്കുന്നതിൽ കാര്യമില്ല; പത്ത് മേഖലയിലും ഒരു കുറഞ്ഞ നിലവാരം വേണം.
പ്രാക്ടീസിൽ ഈ കണക്ക് അതേപടി പകർത്തുന്നതാണ് നല്ലത്. ഒരു സെഷൻ കഴിഞ്ഞ് "കുഴപ്പമില്ല" എന്ന് സ്വയം തോന്നുന്നതിനു പകരം, ഓരോ സെഗ്മെന്റിലും എത്ര വിവരം വീണു എന്ന് എണ്ണിനോക്കുക. ആ എണ്ണമാണ് പരീക്ഷാ ദിവസത്തെ മാർക്കിനോട് അടുത്ത് നിൽക്കുന്നത്.
ആവർത്തിച്ചുള്ള പ്രാക്ടീസ് കൊണ്ട് മാത്രം ശരിയാകുന്ന സാങ്കേതിക ശീലങ്ങളാണ് ഓരോന്നും. വാക്ക് പഠിച്ചാൽ തീരില്ല.
"eligible", "apply", "notice period", "eviction" എന്നിവ കേൾക്കുമ്പോൾ അർഹത, അപേക്ഷിക്കുക, നോട്ടീസ് കാലാവധി, ഒഴിപ്പിക്കൽ എന്നിവ ഒരു നിമിഷം പോലും ആലോചിക്കാതെ വരണം. സാധാരണ ഉപയോഗത്തിലുള്ള ഒരു മലയാളം വാക്ക് ഉണ്ടെങ്കിൽ അതിനാണ് മുൻഗണന എന്ന് NAATI-യുടെ CCL ഭാഷാ നയം വ്യക്തമായി പറയുന്നുണ്ട്. ദിവസവും അഞ്ച് ഇംഗ്ലീഷ് വാക്ക് എടുത്ത് ഉറക്കെ മലയാളത്തിൽ പറഞ്ഞുനോക്കുക. ഒരാഴ്ച കൊണ്ട് വ്യത്യാസം കേൾക്കാം.
"You won't be able to claim it unless you lodge the form first" എന്ന ഇംഗ്ലീഷിൽ നിഷേധം മുന്നിലാണ്, മലയാളത്തിൽ അത് ഒടുവിലാണ് വരുന്നത്. "the form that the doctor gave you last week" പോലുള്ള relative clause മലയാളത്തിൽ വിശേഷണമായി മുന്നിലേക്ക് മാറും. വാക്കിനു വാക്ക് പിന്തുടർന്നാൽ പുനഃക്രമീകരണത്തിൽ തപ്പിത്തടയൽ ഉറപ്പാണ്. നോട്ടിൽ ക്രിയയും നിഷേധവും (ഇല്ല, അല്ല, പറ്റില്ല, വേണ്ട) ആദ്യം അടയാളപ്പെടുത്തുന്നത് ശീലമാക്കുക.
മലയാളത്തിന് NAATI-യുടെ CCL ഭാഷാ നയത്തിൽ ഒരു പ്രത്യേക നിർദ്ദേശമുണ്ട്: വർഷം "2013" എന്ന് ഇംഗ്ലീഷ് രീതിയിൽ പറയുന്നതിനു പകരം രണ്ടായിരത്തി പതിമൂന്ന് എന്ന് മലയാളത്തിൽ പറയണം, അല്ലെങ്കിൽ മാർക്ക് കുറയും. ഇംഗ്ലീഷിൽ million-ൽ വരുന്ന സംഖ്യ മലയാളത്തിൽ ലക്ഷമോ കോടിയോ ആക്കണം, തിരിച്ചും അങ്ങനെതന്നെ. "fortnightly" എന്നത് രണ്ടാഴ്ചയിലൊരിക്കൽ, "half past three" എന്നത് മൂന്നര. ഒരു അക്കം വീണാൽ അത് നേരിട്ട് മാർക്കിൽ കാണാം.
ഓസ്ട്രേലിയൻ സ്ഥാപനങ്ങൾക്ക് കേരളത്തിൽ തുല്യമില്ല. Centrelink, Medicare, NDIS, WorkCover, bulk billing, GP, super, bond എന്നിവ ഇംഗ്ലീഷിൽത്തന്നെ പറയുന്നതാണ് ഇവിടത്തെ കമ്മ്യൂണിറ്റി ഇന്റർപ്രെറ്റർമാർ ചെയ്യുന്നത്, NAATI-യുടെ പൊതു നയവും അത് അനുവദിക്കുന്നു. superannuation-നെ "വിരമിക്കൽ നിധി" എന്നും GP-യെ "പൊതു വൈദ്യൻ" എന്നും വിളിക്കുന്ന കോച്ചിംഗ് ലിസ്റ്റുകൾ അതേപടി വിഴുങ്ങരുത്. പേരിനൊപ്പം സ്വന്തം വിശദീകരണം ചേർത്താൽ അത് കൂട്ടിച്ചേർക്കലായി കണക്കാക്കും.
ഇംഗ്ലീഷിൽ ഒറ്റ "you" മാത്രം; മലയാളത്തിൽ നിങ്ങൾ, താങ്കൾ, നീ എന്നിവയിൽ ഒന്ന് ഉടനെ തിരഞ്ഞെടുക്കണം. ക്ലിനിക്കിലെ നഴ്സോ Centrelink ഉദ്യോഗസ്ഥനോ ക്ലയന്റിനോട് പറയുന്നത് "നിങ്ങൾ" എന്നാണ് സ്വാഭാവികം; ഓരോ വാക്യത്തിലും "താങ്കൾ" വന്നാൽ അത് സർക്കാർ നോട്ടീസ് പോലെ കേൾക്കും. മൂന്നാം വ്യക്തിക്ക് അദ്ദേഹം അല്ലെങ്കിൽ അവർ, അവൻ/അവൾ അല്ല. ഒരു ഡയലോഗിനുള്ളിൽ ഒരേ നില അവസാനം വരെ നിലനിർത്തുക.
പരീക്ഷയിലെ അതേ ഘടന: ഒരു സെഗ്മെന്റ് കേൾക്കാം, കൗണ്ട്ഡൗണിനുള്ളിൽ ഉറക്കെ ഇന്റർപ്രെറ്റ് ചെയ്യാം. ലാപ്ടോപ്പിന്റെ സ്പീക്കറിൽ കേട്ടുകൊണ്ട് ചെയ്യുക; ടെസ്റ്റിനിടെ ഹെഡ്സെറ്റോ ഹെഡ്ഫോണോ ഇയർഫോണോ NAATI അനുവദിക്കുന്നില്ല.
മുഴുവൻ പ്രാക്ടീസ് ഡയലോഗ്
ചെറിയ ഇടവേളകളിൽ ചെയ്യാൻ ഷോർട്ട് വീഡിയോകളും, തയ്യാറെടുപ്പിന്റെ പൊതു രീതികൾ പറയുന്ന ഇംഗ്ലീഷ് പ്ലേലിസ്റ്റും അതേ ചാനലിലുണ്ട്.
ബ്രൗസറും മൈക്കും മതി. ഫോണിലും ടാബിലും ലാപ്ടോപ്പിലും പ്രവർത്തിക്കും.
പരീക്ഷയിലേതുപോലെ പരമാവധി 35 വാക്ക് വരെയുള്ള സെഗ്മെന്റുകളായാണ് ഡയലോഗ് പ്ലേ ചെയ്യുക. ആരോഗ്യം, നിയമം, കുടിയേറ്റം, ഭവനം എന്നിങ്ങനെ പത്ത് വിഷയ മേഖലകളിൽ നിന്ന് തിരഞ്ഞെടുക്കാം.
ഇംഗ്ലീഷ് സെഗ്മെന്റ് മലയാളത്തിലേക്കും മലയാളം സെഗ്മെന്റ് ഇംഗ്ലീഷിലേക്കും ഉറക്കെ പറയുക. മനസ്സിൽ പറഞ്ഞാൽ ഒരു പ്രയോജനവുമില്ല; റെക്കോർഡ് ചെയ്യുമ്പോഴാണ് നിർത്തലും തപ്പിത്തടയലും പുറത്തുവരുന്നത്.
ഓരോ സെഗ്മെന്റിലും വിട്ടുപോയതും കൂട്ടിച്ചേർത്തതും അർത്ഥം മാറിയതും വേർതിരിച്ച് കാണിക്കും. ഇത് പരിശീലന ഫീഡ്ബാക്കാണ്, ഔദ്യോഗിക സ്കോറല്ല: യഥാർത്ഥ പരീക്ഷ മാർക്ക് ചെയ്യുന്നത് NAATI-യുടെ പരീക്ഷകരാണ്.
പണമടച്ചുള്ള പ്ലാനുകൾ സബ്സ്ക്രിപ്ഷനല്ല: മൂന്ന് മാസത്തേക്കോ ആറ് മാസത്തേക്കോ ഒറ്റത്തവണ പണമടച്ചുള്ള ആക്സസ് ആണ്. നിലവിലെ നിരക്ക് ഇംഗ്ലീഷ് പ്ലാൻ പേജിൽ കാണാം.
NAATI CCL ഒരു വാമൊഴി ഇന്റർപ്രെറ്റിംഗ് ടെസ്റ്റാണ്, എഴുത്തുപരിഭാഷയല്ല. NAATI (National Accreditation Authority for Translators and Interpreters) നടത്തുന്ന Credentialed Community Language ടെസ്റ്റിൽ ഇംഗ്ലീഷിൽ നിന്ന് മലയാളത്തിലേക്കും മലയാളത്തിൽ നിന്ന് ഇംഗ്ലീഷിലേക്കും, രണ്ട് ദിശയിലും പറയണം. "മലയാളത്തിൽ നിന്ന് ഇംഗ്ലീഷിലേക്ക് മാത്രം" എന്ന് ചില മലയാളം ലേഖനങ്ങളിൽ കാണുന്നത് ശരിയല്ല.
എഴുതാം. NAATI ഇപ്പോൾ 55 ഭാഷകളിൽ CCL നടത്തുന്നു, മലയാളം അതിലുണ്ട്. ടെസ്റ്റ് ഓൺലൈൻ മാത്രമാണ്; ബുക്കിംഗ് naati.com.au-ൽ myNAATI അക്കൗണ്ട് വഴിയാണ്.
കിട്ടും. മൂന്ന് സബ്ക്ലാസിലും credentialled community language എന്ന ഇനത്തിൽ 5 പോയിന്റ് ചേരും. പോയിന്റ് ടേബിളിൽ എന്തെങ്കിലും മാറ്റം വന്നിട്ടുണ്ടോ എന്ന് Home Affairs-ന്റെ പേജിൽ ഒന്ന് നോക്കുന്നത് നല്ലതാണ്.
90-ൽ 63 വേണം, ഒപ്പം ഓരോ ഡയലോഗിലും 45-ൽ കുറഞ്ഞത് 29-ഉം. രണ്ട് പരിധിയും ഒരുമിച്ച് കടന്നാലേ പാസാകൂ. ഒരു ഡയലോഗിൽ നല്ല സ്കോർ കിട്ടിയാലും മറ്റേത് 29-ന് താഴെ പോയാൽ ഫലം മാറും.
പാസാകും, പക്ഷേ ഇംഗ്ലീഷ് → മലയാളം ദിശ പ്രത്യേകം പരിശീലിക്കണം. അർത്ഥം പൂർണ്ണമായി കൈമാറിയോ എന്നതാണ് അളക്കുന്നത്, അതിനാൽ Centrelink, Medicare പോലുള്ള പേരുകൾ ഇംഗ്ലീഷിൽ നിൽക്കുന്നതിൽ കുഴപ്പമില്ല. പക്ഷേ "apply", "eligible", "eviction" പോലുള്ളവയ്ക്ക് പതിവുള്ള ഒരു മലയാളം വാക്ക് ഉള്ളപ്പോൾ അതിനാണ് നയം മുൻഗണന കൊടുക്കുന്നത്; അത് ആലോചിക്കാതെ വായിൽ വരാൻ പ്രാക്ടീസ് വേണം.
മലയാളികൾ പതിവായി ഉപയോഗിക്കുന്ന ഇംഗ്ലീഷ് വാക്കുകൾക്ക് മാർക്ക് പോകില്ല. മലയാളത്തിനായി NAATI എഴുതിവെച്ചിരിക്കുന്ന ഭാഷാ നയം ഇത് പരിമിതമായി അനുവദിക്കുന്നുണ്ട്, പ്രത്യേകിച്ച് വൈദ്യ, സാങ്കേതിക പദങ്ങൾക്ക്. പക്ഷേ പതിവുള്ള ഒരു മലയാളം വാക്ക് ഉള്ളിടത്ത് അതാണ് വേണ്ടത്: "eligible" എന്ന ഇംഗ്ലീഷ് വാക്കിനു പകരം അർഹത എന്ന് പറയുക.
പോകില്ല. കേരളത്തിലെ വിവിധ പ്രദേശങ്ങളിലെ ഭാഷാഭേദങ്ങൾക്ക് മാർക്ക് കുറയ്ക്കില്ല എന്ന് NAATI-യുടെ CCL ഭാഷാ നയം വ്യക്തമായി പറയുന്നു, കേരളത്തിലെ ഒരു ശരാശരി മലയാളിക്ക് മനസ്സിലാകുന്നിടത്തോളം. ഉച്ചാരണത്തിനും മാർക്കില്ല; അർത്ഥം മാറുമ്പോൾ മാത്രമാണ് മാർക്ക് പോകുന്നത്.
പറ്റും. ടെസ്റ്റ് പൂർണ്ണമായും വാമൊഴിയാണ്: സെഗ്മെന്റ് കേട്ട് ഉറക്കെ പറയുക, അത്രമാത്രം. നോട്ട് ഏത് ഭാഷയിലും ചുരുക്കെഴുത്തിലും എഴുതാം; രണ്ട് ദിശയിലും ഇംഗ്ലീഷിൽ നോട്ട് എടുത്ത മലയാളി കാൻഡിഡേറ്റുകളെ ഫോറങ്ങളിലെ അനുഭവക്കുറിപ്പുകളിൽ കാണാം.
വായിച്ചതുകൊണ്ട് മാത്രം ഇംഗ്ലീഷ് → മലയാളം ദിശ ശരിയാകില്ല. ഒരു മുഴുവൻ പ്രാക്ടീസ് ടെസ്റ്റ് സൗജന്യമാണ്; ഇപ്പോൾ എവിടെ നിൽക്കുന്നു എന്ന് അതിൽ നിന്ന് അറിയാം.
സൗജന്യമായി തുടങ്ങാംക്രെഡിറ്റ് കാർഡ് വേണ്ട. ഒരു മുഴുവൻ പ്രാക്ടീസ് ടെസ്റ്റും ഒരു പ്രാക്ടീസ് സെഷനും സൗജന്യമാണ്.
